INDONEZIYADA SAMOLOT HALOKATI

07.09.2005. Avval halokat Kipr aviakompaniyasining “Boing” samolyotining Gretsiya osmonida qulab tushishi bilan boshlandi. So‘ngra Peruda ham “Boing” yerga sho‘ng‘idi. Va nihoyat, eng ko‘p qurbon bergan fojea Indoneziyada “Boing 737” samolyoti bilan yuz berdi.

Sumatradan Jakartaga yo‘l olgan samolyot bortida 104 nafar yo‘lovchi bor edi, u qulab tushgan aholi yashaydigan dahada esa mana shu fojea tufayli 39 nafar kishi halok bo‘lgan. “Reyter” axborot agentligining xabar berishicha, “Mandala eyrlayns” aviakompaniyasiga qarashli uchoq halokati oqibatida faqat 14 nafar yo‘lovchi baxtli tasodif tufayli omon qoldi. Halokat sabablari hozircha noma’lum. Yana shuni aytib o‘tish o‘rinliki, halokat aynan tig‘iz vaqtda, hamma ko‘chadaligida sodir bo‘lgan.

Ma’lumot o‘rnida shuni aytib o‘tamizki, so‘nggi besh yil davomida bu kabi ko‘p aviahalokatlar kuzatilmagandi.

“KAPALAK” TO‘FONI YAPONIYADA

07.09.2005. Kecha Yaponiyaning janubiy-g‘arbida yashovchi 100 minglab kishilar o‘z uylaridan tezroq chiqib ketish haqida ko‘rsatma oldilar. Bu hududga ko‘chib yuruvchi, yomg‘irli “Kapalak” to‘foni xavf solmoqda edi. Xabarlarga qaraganda to‘fon tufayli bir kishi halok bo‘lgan, o‘n besh kishi esa bedarak yo‘qolgan. Ko‘pgina odamlar turli darajadagi tan jarohati olgan. Aholini qutqarish va yo‘qolganlarni izlash ishiga harbiy qism jalb etilgan, deb xabar beradi ITAR-TASS.

Dovul yaqinlashgani bois, Toyota, Nissan, Honda, Mazda kompaniyalari Kyusyu orolida joylashgan o‘z zavodlari ishini vaqtincha to‘xtatdi. Yana shular ma’lum qilinyaptiki, 270 ming aholi yashaydigan Kyusyu oroli elektr energiyasisiz qoldi. Orolga shu paytgacha 900 millimetr yog‘in yoqqan, Sikoku orolida esa yog‘in miqdori 700 millimetrga yetgan.