16:55 O‘zbekiston milliy terma jamoasining Livanga qarshi o‘rtoqlik o‘yini uchun tarkibi ma’lum bo‘ldi | |
 O‘zbekiston milliy terma jamoasi fevral oyidagi qisqa muddatli o‘quv-mashg‘ulot yig‘ini davomida Livanga qarshi o‘rtoqlik uchrashuvi o‘tkazishi rejalashtirilgan. 13—15-fevral kunlariga mo‘ljallangan yig‘inga 21 nafar futbolchi jalb etilgan. Bu haqda O‘zbekiston futbol federatsiyasi matbuot xizmati xabar bermoqda. Ta’kidlash kerakki, fevral oyidagi yig‘inga legionerlar jalb qilinmadi. Livanga qarshi uchrashuv 14-fevral kuni Birlashgan Arab Amirliklarining Dubay shahrida bo‘lib o‘tadi . O‘zbekiston milliy terma jamoasining navbatdagi rasmiy o‘yinlari Jahon chempionati —2018 ikkinchi saralash bosqichi doirasida mart oyida bo‘lib o‘tadi. Babayan shogirdlari 24-mart kuni Filippinni, 29-mart kuni esa Bahraynni Toshkentda qabul qiladi. Quyida O‘zbekiston milliy terma jamoasining 13—15-fevral kunlari bo‘lib o‘tadigan yig‘iniga jalb etilgan futbolchilar ro‘yxatini keltirib o‘tamiz. Darvozabonlar: Ignatiy Nesterov (“Lokomotiv”), Eldor Suyunov (“Nasaf”). Himoyachilar: Davron Hoshimov (“Paxtakor”), Islom To‘xtaxo‘jayev (“Lokomotiv”), Kamoliddin Tojiyev (“Paxtakor”), Sherzod A’zamov (“Nasaf”), Azimjon Ahmedov (“Paxtakor”), Stanislav Andreyev (“Paxtakor”), Akromjon Komilov (“Bunyodkor”). Yarim himoyachilar: Javlon Mirabdullayev (“Bunyodkor”), Javohir Sohibov (“Paxtakor”), Jamshid Boltaboyev (“Paxtakor”), Otabek Shukurov (“Bunyodkor”), Server Jeparov (“Lokomotiv”), Jasur Hasanov (“Lokomotiv”), Doston Hamdamov (“Bunyodkor”), Sanjar Shoahmedov (“Lokomotiv”), Eldor Shomurodov (“Bunyodkor”), Shuhrat Muhammadiyev (“Nasaf”). Hujumchilar: Igor Sergeyev (“Paxtakor”), Marat Bikmayev (“Lokomotiv”). | |
|
| |
| Всего комментариев: 0 | |